Aung San Suu Kyi chuahkehnak tuanbia tawi!

TOPSHOT - Myanmar's State Counsellor Aung San Suu Kyi looks on before the UN's International Court of Justice on December 11, 2019 in the Peace Palace of The Hague, on the second day of her hearing on the Rohingya genocide case. - Aung San Suu Kyi appears at the UN's top court today, a day after the former democracy icon was urged to "stop the genocide" against Rohingya Muslims. Once hailed internationally for her defiance of Myanmar's junta, the Nobel peace laureate will this time be on the side of the southeast Asian nation's military when she takes the stand at the International Court of Justice. (Photo by Koen Van WEEL / ANP / AFP) / Netherlands OUT (Photo by KOEN VAN WEEL/ANP/AFP via Getty Images)

DAW AUNG SAN SUU KYI CHUAHKEHNAK (Atawinak)

1. Bo Min Young (General Aung San i a pu)

Bo Min Young hi mi dawh, mi tthawng, mi ralttha, ca ttial thiam le vainam hman thiam ngaimi a rak si. Siangpahrang Mindon nih Mirang le Kawl karlak i biachimtu, daihnak sertu ah a rak hmanmi asi. Asinain Siangpahrang Mindon a thih hnu ah Siangpahrang Tibaw nih Kawlram cu a rak uk. Mirang (British) nih Tibaw cu India an an kuat i an nupi Suh Lat he an thah hna caah ai tuar kho lo i Mirang pawl cu minung ai sawm hna i an rak doh ve hna. A min ai thlen i “Shwe La Young” tiah ai leet.

Ahmasa ahcun Mirang hmunhma kha tampi a rak chuh khawh hna i Kawlrawn Myint Ma Nie thlang ah camp an rak i sak. Asinain Mirang nih an von nor deuh hna caah thlanglei ah an ttum i Taung Dwin Gyi ah an camp cu an tthial. Mirang cu an doh peng ve hna nain Mirang nih an rak tei hna. Pu Shwe La Young cu Mirang nih an tlaih i an timi cu, “Mirang hi rak kan do ti hlah uh, kan in thlah tthan lai i Taung Dwin Gyi hi cu nangmah nih na uk peng ko lai” tiah an rak leem. Asinain Mirang lei ttan i mah miphun harnak tuar ter kha cu a duh lo caah Mirang nih a hngawng an rak cik mi asi.

2. U Pha (General Aung San i a pa)

U Phar hi Chin min a ngei i U De Ko asi tiah wikipedia nih cun a chim. Anih hi law lei cawngmi a rak si. Ca a rak thiam ngai i minung 174 lak ah a pathumnak in a rak awngmi asi. Asinain lawyer rian tu ttuan loin phaisa tu a rak kawl deuh. Hi chan lio ah hin Mirang hi an rak tthawn tuk lio asi caah doh khawh ding an rak si lo. Kum 54 asi ah a rak thi.

3. General Aung San

1933 ah sianghelirun a rak kai i siahngakchia hruaitu a rak si. Mirang uknak an rak duh lo caah sianghleirun siahngakchia hna nih a voi khat nak duhlonak an rak langh ter. Cu ahcun hruaitu a rak si. 1938 ah Mirang dohnak ca, “Hell uico a luat cang” timi capaar an rak ttial i a ttialtu kha an hlat. Aho hmanh nih an chim duh lo caah Aung San lehlam sianghleirun in an rak phuah. Politik ah a lut i a min hmai ah Mirang bang in Takhin tiah ai chap ve. Takhin Aung San ti a von si. Nanmah Mirang lawng Takhin nan si lo kan si cio tinak asi. Cun, ralkap a ser i minung 30 Japan ah a kal pi hna i raltuk a va cawn pi hna.

Japan he i bawm in Mirang ral cu an doh tti. Mirang cu an tei hna i Manipur tiang an dawi hna. Asinain Aung San a bawmtu Japan nihcun Kawl Ram cu an kan uk tthiamtthiam. Mirang nak hmanh in an sual deuh. Cu tik ah Aung San nih Mirang a vai sawm tthan hna i Japan cu an doh tthan hna, an tthawl dih tthan hna. Mirang he Japan he biataktein a dotu a rak si.

Vawlei cung ralpi 2nak a dih in Kawlram indepence kong ah a chimrel biktu asi. Asinain independence kan hmuh hlan thla ruk a duh ah mi ruahnak hmanlo kut in a thi.

4. Daw Aung San Suu Kyi

Kawi Ram a sifaah saling, a buai saling ah an dawtmi inchungkhar kal taak in Kawl Ram a buaipi peng ve. Democracy kan hmuh khawh nakhnga ai zuam taktakmi asi. 1990 ah thimnak an rak tuah. Amah nih a dirhmi NLD nih zohchia ngai in an rak tei. Asinain mipi nih an thimmi cu thong ah an thlak i ralkap nih uknak an rak laak. Kum kul chung tong i a um caan le a inn i thong an thlaak caan kha ai chawng lengmang.

A pasal a thi deng ti a theih zong ah, Kawlram ah ka ra tthan kho ti sual lai lo i democracy uknak mipi nih an hmu kho ti sual lai lo ti phan ah a dawtmi a pasal zong tlawng lo in a um. A pasal cu a thi beh i a thih tiang an i hmu thai ti lo.

Democracy uknak phung kan ngeih khawh nakhnga ai zuam peng i 2008 ah phung an suai i democracy phung cu amah hruainak thawng in kan hmuh taktak. Asinain hi phung an sermi hi remh ngai a haumi asi caah, ralkaap he remh tti a haumi asi caah, ralkaap he kan i doh ahcun kan ser kho lai lo ti a theih caah amah he ttuan ti in phung remh cu ai zuam zungzal.

Anih nih a duhmi cu Federal democracy phung hi asi. Asinain cucu kan ngeih khawh nakhnga 2008 phung kha remh hmasa a hau a ti caah biachimh khawhnak nawl kan ngeih nakhnga vote rak kan pee u law ralkap he remh khawh kan i zuam hna lai tihi asi.

(Kawlram ca i an rianttuannak a tam tuk caah cauk in ttial lawng ah a tling kho lai). Aung Myint Thang

Be the first to comment

Leave a Reply

Your email address will not be published.


*